მარიხუანას მიმართ ტოლერანტობა ნიშნავს სპეციფიური რეცეპტორების დახშობას  მისი მუდმივი მოხმარების გამო. ამ დროს THC-ს ეფექტი კლებულობს და სასურველი შედეგის მისაღწევად აუცილებელია სულ უფრო მეტის მიღება.

თუ თქვენ ხშირად ეწევით,  დაბოლებისათვის, იშვიათად მწეველთან შედარებით უფრო დიდი რაოდენობის კვამლი დაგჭირდებათ. ამის მიზეზი მის ტვინში არსებული  რეცეპტორების სისუფთავეა თქვენისგან განსხვავებით. კანაბინოიდები თქვენს “გაჟღენთილ” რეცეპტორებში მარტივად ვერ აღწევენ და ამიტომაც ეფექტი სუსტდება.

ასევე, დაბოლების დროს ორგანიზმში გამოიყოფა დოპამინი – ბედნიერების ჰორმონი. რაც უფრო ხშირად ეწევით, დოპამინი მით უფრო ნაკლებად მოქმედებს თქვენზე იმავე მიზეზის გამო. ამიტომაცაა, რომ “დამატება” ისეთი პოტენციის აღარაა, როგორც პირველი მოწევა.

ამ ყველაფრიდან გამომდინარე ვხვდებით, რომ მარიხუანას მიმართ ტოლერანტობა შეიძლება გამოწვეული იყოს მისი ხშირი და ინტენსიური მოხმარებით. მისგან თავის დაღწევის ერთადერთი საშუალება დასვენებაა. იშვიათად მოწევაც აფერხებს ტოლერანტობის განვითარებას, რადგანაც ორგანიზმი ასწრებს გამოფხიზლებასა და გაწმენდას. რაც უფრო იშვიათად მოწევთ, ეფექტი უფრო კარგი და ხანგრძლივი იქნება.

THC-ს მოლეკულები დიდი ხნის განმავლობაში რჩება ცხიმურ უჯრედებში და ნელა გამოდის ორგანიზმიდან. ნარკოტესტებიც სწორედ THC ანალიზზეა დაფუძნებული. ერთხელ ნორმალური რაოდენობის მოწევა კვალს რამოდენიმე დღის განმავლობაში ტოვებს, ხოლო ხშირად მოწევა – თვეების განმავლობაში. ანალიზში ტი-ეიჩ-სის ნიშნების გამოჩენის ვადა დამოკიდებულია ადამიანის ორგანიზმსა (მაგ. ნივთიერებათა ცვლის ტემპები) და ცხოვრების წესზე.

საქართველოში დამკვიდრებული ტრადიციის მიხედვით, მარიხუანა მუდმივად თამბაქოსთან ერთად მოიხმარება. როგორც ვიცით, კანაბისის მოხმარება პირდაპირ ფიზიკურ დამოკიდებულებას არ იწვევს, მაგრამ ნიკოტინი ძლიერი ნარკოტიკული ეფექტის მქონეა და მისი მოსაწევთან ერთად მიღება არასასურველ შედეგს იძლევა – ვითარდება ფიზიკური დამოკიდებულება.

თუთუნის დამატება მარიხუანას “გაბევრებისთვის” გამოიყენება, რადგანაც დღეის მდგომარეობით მისი დიდი რაოდენობით შოვნა პრობლემაა. მაგრამ უკვე ყველა ისეა მიჩვეული, რომ რამდენიც არ უნდა ქონდეთ, მაინც თუთუნს აყრიან.

ასევე უნდა აღინიშნოს კანაბისის მიღების მეთოდები. ჩვენთან ყველაზე პოპულარულია ბოთლში მოწევა. აქ ბევრი ფაქტორი მოქმედებს. პირველ რიგში, სანთებელას ნამწვავი და თამბაქოს “ზინთი” ყოველ ახალ “ჩაკიდებაზე”. ეს თქვენი ფილტვებისთვის კარგი ნამდვილი არაა. ასევე სიგარეტის ფოლგის ნამწვავი და გახურებული პლასტმასის მიერ გამოყოფილი ტოქსინები ორგანიზმზე ძალიან ცუდად მოქმედებს.

მეორე მხრივ, ცხელი ბოლი და ზოგჯერ პატარა ნაკვერჩხლები და ფერფლი აზიანებს ყელს და სასუნთქ გზებს. ბოთლში მოწევა ნამდვილად ცუდია ორგანიზმისთვის. იმისდა მიუხედავად, რომ თავად მარიხუანა ფიზიკურად არაფერს ვნებს, თუ სწორად იქნა მიღებული. აორთქლების ან საჭმლის სახით მოხმარება ყველაზე უსაფრთხო მეთოდად ითვლება.

რაც შეეხება მის უარყოფით ეფექტს. კანაბისს ახასიათებს: პარანოია, ანორექსია, შეწუხება, არაკომფორტული მდგომარეობა, დეპრესია, მადის მომატება, ზოგიერთ შემთხვევაში, არსებული შიზოფრენიის გამწვავება, ფსიქოლოგიური დამოკიდებულება და ა.შ.

პარანოია რომელიც საქართველოში “იზმენის” სახელითაა ცნობილი, არის კანაბისის ერთ-ერთი უარყოფითი მხარე. გეჩვენება რომ გარემოებები და ადამიანები სხვანაირად მოქმედებენ. პარანოია მრავალი სახით შეიძლება იყოს გამოხატული. ეს არც თუ ისე სასიამოვნო შეგრძნებაა და მისი გამოვლინება ინდივიდუალურია ყველა პიროვნებაში. მარიხუანამ შეიძლება გამოიწვიოს შიშის პანიკური შეტეტევა. არსებობს ჯიშები, რომლებიც პრაქტიკულად არ იწვევენ პარანოიას. ისინი უფრო ინდიკას დომონანტ ოჯახს მიეკუთვნებიან. ხოლო სატივები უფრო არიან მიდრეკილი პარანოიის გამოწვევისაკენ, მაგრამ ესეც დამოკიდებულია კონკრეტულ ჰიბრიდულ ჯიშზე.

ანორექსია, შეწუხება, არაკომფორტული მდგომარეობა, დეპრესია არის მარიხუანას უარყოფითი მხარეები. ისინი შეიძლება, საერთოდ არ იქნეს გამოჩენილი მოწევის დროს, მაგრამ ზოგიერთ ადამიანში სწორედ ესაა მიზეზი, რატომაც არ ეწევიან კანაბისს. თუ ვინმემ გასინჯა და მას არასასურველი ეფექტი გამოუვლინდა, ის აღარ მოწევს. ვინც სასიამოვნოდ გაატარებს დროს, ის ყოველთვის მოწევს.

მადის მომატება და ძილის მოგვრა კანაბისის სამედიცინო თვისებებად განიხილება. მაგრამ ყოველდღიური მოწევა და უკონტროლო მადის მომატება ნამდვილად არაა კარგი თქვენი ჯანმრთელობისათვის. ეს კარგია მათთვის, ვისაც უმადობა აწუხებს. ძილის მოგვრა ნამდვილად კარგი ეფექტია, მაგრამ შეიძლება ჩამოყალიბდეს დამოკიდებულება და თუ მარიხუანას არ მიიღებთ, დაძინება გაგიჭირდეთ. ასევე, ზოგიერთ შემთხვევაში ძილი შეიძლება, არასასურველ ეფექტად იქცეს.

კანაბისის მიღება შიზოფრენიას არ იწვევს. მაგრამ, თუ თქვენ გაქვთ გენეტიკური მიდრეკილება, შეიძლება მოსაწევმა კატალიზური როლი ითამაშოს და დროზე ადრე გამოავლინოს ან დაამძიმოს მდგომარეობა. ე.წ. “პლანისგან დარჩენილები” თუ ისინი საერთოდ არსებობენ, სინამდვილეში შიზოფრენიით დაავადებული არიან. სუსტი ფსიქიკის მქონე პირებისთვის მარიხუანას მოხმარება რეკომენდებული არ არის.

ფსიქოლოგიური დამოკიდებულება არის დამოკიდებულება, რომელიც ფიზიკურ ლტოლვას არ იწვევს. ეს ძალიან სერიოზული თემაა და სწორედ ამ ფაქტორის გამო განიხილება კანაბისი ნარკოტიკად. განსხვავებით ინექციური ნარკოტიკებისაგან, მარიხუანას არ ახასიათებს ე.წ. “ლომკა” (აბსტინენციის სინდრომი), მაგრამ თუ მოწევა შემოგთავაზეს, ალბათ, უარსაც ვერ იტყვით.

კანაბისის მოხმარება ასევე არასასურველია ორგანიზმის ჩამოყალიბების პერიოდში. ბავშვებში მარიხუანას მოწევა უარყოფითად აისახება ფილტვებსა და ტვინზე.

ამ ყველაფრიდან გამომდინარე გასაგები ხდება, რომ მარიხუანა ყველაზე ერთნაირად არ მოქმედებს.  ზოგს მოსწონს და ეწევა, რადგანაც სიამოვნებს ის ფსიქოაქტიური ეფექტი. ზოგს დეპრესიასთან გამკლავებაში ეხმარება. სხვები ძილისთვის, მადის მოსამატებლად ან ტკივილის შესამსუბუქებლად. ვინც არ ეწევა ესეიგი არ გაუსინჯავს, ან არ მოეწონა.