Leafly.com არის ვებ-გვერდი, რომელიც ძალიან დაგეხმარებათ სხვადასხვა ჯიშის შესახებ ინფორმაციის გაგებასა და მომხმარებელთა განხილვებთან გაცნობაში. აქ ქიმიური ელემენტების მსგავსად ყველა ჯიშს თავისი სიმბოლო აქვს და შესაბამისი ფერი, რომელიც დამოკიდებულია იმაზე, თუ კანაფის რომელ სახეობას განეკუთვნება ის.
ინდიკები იასამნისფრად, სატივები წითლად, ხოლო ჰიბრიდები – მწვანედ. თითეული ჯიშისათვის მოცემულია დახასიათება. მისი თვისებების გრაფიკული შედარება, მაგალითად: ეიფორია, სიხარული, კრეატიულობა, სედატივი, ძილის მოგვრა და ა.შ. ასევე მისი გენეტიკურად ნათესაური ჯიშები, სუნი, გემო, არომატი…
თუ რომელ დისპენსერში შეგიძლიათ მისი შეძენა (ეს მხოლოდ ლეგალური კოლორადოსა და სხვა შტატების ფუფუნებაა) და რაც მთავარია ასობით და ათასობით ადამიანის მიერ დაწერილი განხილვა, რომელიც თავიდან ძალიან უცნაურად მოგეჩვენებათ, რადგანაც აქ პრაქტიკულად ერთ სიტყვასაც ვერ წაიკითხავთ იმის შესახებ, თუ რა მაგარი ჯიშია და რა მაგრად დააბოლა ავტორი მეგობრებთან ერთად. ძირითადად ისინი განიხილავენ მის გემოს, არომატსა და სუნს.
მათი მარიხუანასადმი ტოლერანტობა იმდენად მაღალია, რომ დღეში 5 და ზოგჯერ 10 გრამსაც ეწევიან, რადგანაც საერთოდ აღარანაირი ეფექტი არ აქვს მათზე. ტოლერანტობის შესახებ ცალკე სტატიები გვექნება, მანამდე კი გაეცანით თქვენთვის საინტერესო ჯიშებს, იქნებ სასარგებლო ინფორმაციასაც მიაგნოთ.